أ سّي طارق السكتيوي، تبارك الله عليك. و الله أخاي كنا باغينك من قلبنا تدى الكاس

"وا تبارك الله على هاد السيد و صافي. تخايل غي نتا، شد ليك لولمبيين جاب بيهم البرونز و المركز التالت فأولمبياد باريس، و شد ليك المنتخب المحلي دا بيه كاس إفريقيا ديال المحليين... و دابا ها هو فالفينال ديال كاس العرب بمنتخب ديال الدرجة التالتة، ماشي حتا التانية!

أ سّي طارق السكتيوي، تبارك الله عليك. و الله أخاي كنا باغينك من قلبنا تدي هاد الكاس، و يعيط عليك سي لقجع (العجعاج) تكون اليد اليمنى ديال الرݣراݣي فالكان الجاي. والله تا تستاهلها و بلاصتك تما كاينة، و هادي ماشي مجاملة، هادي هي الهضرة ديال بصح. عندك تبارك الله دكتوراة فكيفاش تسير الماتشات.

الفلسفة ديال هاد السيد ماكاتعترفش بالظروف، ماكاينش "العومان بحوايجك". كل ماتش كايزيد فالتحدي و هو مْتيقّن من الأفكار ديالو. يعني يقدروا يتبدلو السميات ديال اللعابة و تبدل الفئة ديال المنتخب، و كايبقى ديما طارق السكتيوي هو مول النجاح. بصح يستاهل منا كل الاحترام."