هادشي لي كاين، هضرة كتوزن بالذهب. الكرة ماعندهاش مع الظلم، و لي خدم و تقاتل على راسو كيبان كيبان، وخا يبغيو يغمضو عليه العينين.
حريمات الصراحة سكت بزاف ديال الهضرة فوق التيران. ما خلاش لشي واحد فين يهضر. عطى درس ف الݣرينتا و المستوى العالي، و بين بلي بلاصتو كاينة مع الكبار.
وليد عندو حساباتو و اختياراتو، و كل مدرب كيتحمل المسؤولية ديالها. ولكن حنا كجمهور، كايضرنا خاطرنا فاش كنشوفو لاعب بهاد المستوى كيبقى برا، خصوصا و أن المنتخب ديال المغاربة كاملين ماشي ديال شخص واحد. هاد القضية ديال "الحب" لشي لعابة على حساب وحدين آخرين هي لي ماباغاش تفهم.
كيما قلتي، هو دابا مرتاح و راسو مرفوع، حيت جاوب بالطريقة لي كيعرف... بالكرة. و حنا دابا ماعلينا غير ندعمو هادوك لي مشاو و نتمناو الخير. و لي ليها ليها، الله يجيب لينا ديك الكاس لي توحشناها بزاف.