✅ مفيد دارها بينا بصح... هاديك ماشي غا حمرا، هاديك راها هرّسات كاع الپْلانات (les plans) ديال السكتيوي.

✅ السكتيوي ديما كان كيعيِيّ لارْيير (l'arrière) ديال الفرقة الخصمة، باش يدخّل مفيد ويخلّي بولكسوت جناح يطلع ويستافد منو فـ لاطاك (l'attaque).

✅ دابا با السكتيوي مشات ليه ديك الخطة، و فواحد الوقيتة لي حساسة و صعيبة بزاف، فماتشات ديال خروج المغلوب لي كتبغي اللعاب يكون مركز مية فالمية.

✅ كنا باغيين اللعابة يحضرو عقلهم وميتهوروش، ولكن الضريبة ديال ديك الدخلة كانت غالية: المسابقة تقريبا سالات لـ مفيد، وطارق ضيّع واحد الورقة رابحة.

✅ ولكن واخا هكاك... حنا معروفين بمنتخب ديال الصعاب، وولفنا على التحديات. ديما كنجيبوها من أرض حرشة... وغادي نعاودوها عاوتاني فـ قطر إن شاء الله.